Online Academy

1-تصميم نظام محاسبى كامل على الإكسيل بالطريقة الفرنسبة " الأكثر ملائمة للواقع العملى "

2- هتعمل إدخالات ل 100 مستند " فواتير بيع وشراء وإيصالات قبض وصرف نقدية وشيكات واذون صرف وإضافة للمخزون "

3-هنسجل 9 قيود يومية " هتسأل وتقول 100 مستند هنسجلهم بــ 9 قيود يومية فقط ؟ طيب ازاى .. هذا هو الفرق بين الدراسة الأكاديمية وبين الواقع العملى ,لانه سيتم العمل فى الورشه بالأسلوب الفرنسى وليس الأسلوب التقليدى "الإيطالى" .وهنعرفك كمان الفرق بين الفرنسى والأمريكى والإيطالى أثناء الشغل.

4-هنسجل 17 قيد تسوية لأخطاء احنا متعمدين نحطها فى الورشة , بخلاف الأخطاء التى تقع أنت بها أثناء الحل وهنعرفك كيف يتم التسوية .

5-مطلوب بعد إدخال للمستندات وإعداد القيود اليومية والتسويات عمل حساب الأستاذ العام ونستخدمة فى إعداد ميزان المراجعة بعد التسوية

6-مطلوب منك عمل مطابقة لرصيد الخزينة اللى فى الميزان بعد التسوية بمحضر جرد الخزينة ... هتسأل وهجيب محضر جرد الخزينة منين ؟ .. هندهولك فى التمرين لأن احنا عرفين المفروض خزنتك لو شغال صح تطلع كام فعاملين محضر بالرصيد الصحيح .

7-مطلوب منك كمان تعملى مطابقة لرصيد البنك اللى فى الميزان بعد التسوية بكشف حساب البنك الفعلى اللى اصدرة البنك ... هتسأل وهجيب كشف حساب البنك ده كمان منين ؟ .. هندهولك بردو فى التمرين.

8-مطلوب منك تعمل مصادقات مع العملاء والموردين للتحقق من صحة الأرصدة بتاعتهم .. هتسأل بردو وهنجيب الموردين والعملاء دول منين عشان نطابق معاهم الأرصدة ؟ حضرتك فى القاعه هتكون فى 3 تمارين ل3 شركات مختلفة بيبيعو وبيشترو من بعض بجد... يعنى فاتوره البيع الى انت بتسجها فى زميل ليك بيسجلها فاتوره شراء على اساس انك بعتله الفاتوره دى... وبالتالى معاهم مستندات عكسيه للمستندات الى معاك واكنهم العملاء والموردين الى انت بعتلهم او اشتريت منهم والمفروض ارقمكم تطابق بعض . وهنسيبكم تطبقوا مع بعض بجد الأرصدة بدون تدخل من المحاضر

9-مطلوب منك تحليلات لأرصدة المصروفات وأوراق الدفع وأرواق القبض الموجوده فى الميزان بعد التسوية

10-مطلوب منك بعد تحضير كل الكلام ده ونتأكد أن الخزينة بتعتك مظبوطة والبنك وأرصدة العملاء والموردين وأوراق القبض والدفع والمصروفات تعملى قائمة المركز المالى والدخل

11-وأخيراً نعمل تحليل مالى للأرقام الموجودة فى قائمة الدخل والمركز المالى.